A xé na pasion


Èsare apasionai de calcosa x na bea roba, ansi se pol dir che x come el sae nea menestra parch ghe da gusto aea vita e chi no ga pasion el x un tipo sospeto. Ghe x chi che speta dal luni al sabo par far finalmente aea domenega queo che ghe piase o adiritura i speta da un ano a l'altro el momento bon. Pasion ghe n de svariati generi ma, anca a p strana, vaeorisa a persona e a rende un p particoeare. Eco aeora tuta na serie de personagi carateristici. Ghe x el pescador coi so bei stivaeoni ch'el sta par ore tuto fese in mso a l'acqua geida e, quando finalmente el ciap un pse s'el x picoeo, lo ributa dentro e el cominsia co costansa tuto de novo. Se podaria dir chi ghe o ga ordin. A x na pasion e basta. Lo steso se pol dir dei caciatori, quei che d'inverno aea matina
presto, i va in laguna e i sta imobii con un fredo can dentro a bote tirando i oci e par scaldarse i ga soeo a graspa ma, se i ghe ne beve mssa, dopo i sblia anca a mira. Altri ancora i va in giro pai campi col can de rasa e i varda p el can che el fajan che salta e par questo qualche volta el ghe scampa. N'antro genere de cacia a x quea ai osei de pasajo coi caciatori sconti nei cabioti pronti a tirar a fiancia coi riciami quando se avisna un sciapto de lodoe ma, se i ciama in tanti, i osei par no farghe torto a qualcun, i tira drito. Aeora par scusarse i dise che i pasava alti, che no i gava fame, che el tempo no gera giusto o altre scuse a l'ocorensa. Ghe x anca quei che ga poco tempo ma schei e i va in riserva. L prima i paga e dopo i ghe buta davanti al sciopo, anare, fajani, gevari de
alevamento msi intontii, e lori pan, pan, pan, copa tuto e i torna casa contenti. Un tempo che tuto servia par sfamarse, i doparava i rocoi, e rete, el paeon coe visciae coi quai i fasea manbassa de tuti i osei. Adeso sta pratica barbara x proibia e par questo x ben difsie incontrar un bon pasto de poenta e osei come a tradision comanda: pasiensa! Ghe x anca quei che i va a sciosi e te i vidi dopo a piova in mso a l'erba moia, a ciapr ste bestie che poarete, se o sa, no e fa tempo a scnderse. N'antra bea pasion a x quea de sercar funghi nel bosco e qua me meto in mso anca mi. Se sa che i funghi vien principalmente verso a fin de l'ist e in autuno, cuss quando riva a vose che ghe x na butada, quei che i speta da un ano con impasiensa, i deside de andar suto par no farsei portar via dai altri. Eco che a matina drio se pl vdar na machina che col scuro a se dirige par a strada ancora deserta, verso a montagna. Sensa fermarse, dopo un'ora a imboca a vae dea Cortea, streta e tuta curve che a te imbriaga aea matina presto sensa bere e, poco dopo, co comisia a far ciaro, a se ferma ai pi de un bosco che qurse tuta a montagna. Smonta cinque tipi, i se stirachia un poco, i sbasa una-do volte, i varda in alto come se mete el tempo e, in siensio, zaino in spaea, i s'incamina su pal sentiero. Dopo un'ora e msa de camin tuto
in sata, i riva sol posto giusto e, un de qua n'antro de l sempre in siensio par no ciamar l'atension, i comisia a vardar tra l'erba alta e soto i pini. Quando i vede spuntar calcosa de scuro, i se avisna trategnendo el respiro e, dopo na ociada intorno par veder se ghe x calcosa altro de bon, i se cucia par torlo, tuti emosionai. I va avanti par qualche ora su e z par i pendii se a giornada buta ben, se no x mejo girar i tachi e tornar. Quando riva e diese e a stanchesa se fa sentir, x ora de fermarse e, come d'acordo, i se trova insieme aea forcea Boalon par tirar el fi e bere un giso. Adeso che i x tuti l se pol conoserli. I x i cinque Cavalieri dea Confraternita del Fungo Porcino: Bepo coea so barba da fiosofo, Bain el p robusto, Edo l'unico che parla italian, Sante coea crapa msa peada e el naso da batistrada e Sergio el p grando. Sergio, che par l'esperto del grupo, el ghe mostra ai altri el fungo p beo pena trov, lo tien in man come el fosse na piera presiosa, lo varda de sora e de soto e dopo che lo ga parfin snas, lo rimete nel sesto coea deicatesa riservada a un puteo pena nato. El brontoa un poco vedendo i pochi altri trovai e el dise che a x magra parch d'inverno x venua poca neve e che ani indrio a gera mejo, ma dopo el se consoea coea sodisfasion de aver trov almanco calcosa par far un bon risoto. Lu el conose anca tute e altre
specie de funghi che vien nel bosco e le ciama col so nome latin parch el se ga fato na cultura in materia sui libri. Poco dopo i deside de andar al maso par magnar calcosa. Coi riva, sensa perdar tempo, i impisa el fogo e i mete nea graea salsice e costisine che dopo i magna de bon apetito e i ghe beve drio un pochi de bicri de vin e el caf coea coresion. Ben rinfrancai, i torna z par sentieri poco batui par no incontrar curiosi, i passa davanti al capiteo de San Antonio che i ringrasia par a bona giornada, e dopo msa oreta, rivai aea machina col presioso botino intato, i ciapa rapidi a via del ritorno. Apena casa, mentre e done se mete a curar i funghi e prepararli, i nostri anca se stufi, i va al bar e i conta che i ghe ne ga trov un mucio tanto par farghe rabia ai altri. Par finir i se trova aea sera drio davanti a un bel risoto e a un piato de poenta e funghi compagn da qualche bona botilia de rosso che, come se dise, x un magnar da re. Alcuni, no tanti ma boni, x apasionai de far escursion in montagna. El x un sport che insegna ad amar e rispetar a natura ma un poco pericoeoso se fato da chi no x alen o pso x imprudente. Saire na montagna e rivare in sima dove te par de esser el primo, x na gioia e un bel ricordo e uno pensa de aver scrito un poca de storia de quea
montagna. Par pasr a altri generi, no se pol trascurar quei che ga pasion de andar in bicicleta sia so a strada che soi sentieri. A bicicleta x uno sport dei p praticai e se vede in giro zente de tute e et che, in grupo o da soi, i fraca soi pedai soto el soe o a piova, i sua e i manda fora anca l'anima par aver a sodisfasion, rivai in sima, vardando in basso, de dir: ghe a go fata! E dopo lanciarse in una entusiasmante discesa. Ghe x altri che per raggiunti limiti d'et no i va p in bicicleta ma, tanta x a pasion, che i dedica el so tempo libero a seguir i zovani e organisa corse e trofei par tegner sempre viva sta pasion. Daea bicicleta pasmo al calcio volgarmente deto baeon che a x na gran pasion tanto che un tempo ogni paese gava a so squadreta. Adeso p che zugare in
campo, i ghe ne parla tanto al bar o aea teevision e tuti sa de tuto e no ghe x segreti che tegna par zogadori, formasion e campionati. I tosi zovani apasionai de sto sport quando i comisia a far e prime partitee, x i ga in testa i so campioni e pol sucedare che, se no i deventa come lori, i se senta anca frustrai. Resentemente x nate altre pasion e ghe n par tuti i gusti: go visto parfin un puteo de quatro ani che imparava el karat. Tra i ultimi rivai ghe x i amanti del deltaplano e del parapendio che, come fiori, i coeora el cieo coe so vee. Ghe x tra questi un prete che so richiesta, el ceebra anca matrimoni par aria. Cambiando proprio genere, se pol discrar un poco de quei che ga pasion de l'abronzatura. D'ist i se sobarca ore de caldo asfisiante dentro e machine, in fia, co l'usma
de rivar presto in spiaja par ciapar finalmente a famosa tintarea parch anca l'ocio vol a so parte. L'importante x mterse al soe nel posto giusto. D'inverno i p sfegatai i x nea neve al fredo con un specio par farse a facia p scura intanto che e man ghe resta bianche. De sta categoria fa parte anca i culturisti che i msena ore de paestra e ogni d i controea giustamente se el muscoeo cresce. No desmenteghemose dei tanti apasionai dee bestie e p varie: can, gati, osei, parfin serpenti e iguane ai quai i ghe dedica tuto el so tempo libero. Conoso na signora che prima a se alsava co comodo ae nove ma adeso, che a ga tolto un bel cagneto, a se alsa ae sie par farghe far a pasegiata matutina e i so bisognini. E dopo i dise vita da cani: ma par chi? Ogni et ga a so pasion.
Na volta, co grimi boce, ne piaseva coesionar bate de vero, querceti, bui, figurine de zogadori. Adeso i tosi stravede par i dinosauri e par i mostri de Pokemon. Se pol ricordar anca tuta a serie dei coesionisti che x apasionai dei ogeti p rari e strani: robe vece, quadri, mobii, botilie de vin, machine e atresi dei tempi andai etc. Un conoscente el ga na Ferari e tanto a ghe piase e el x geoso che la tira fora dal garage soeo do o tre volte a l'ano par spolverarla e gonfiarghe e gome e dopo la sconde de novo. I apasionai dee moto sportive super decorae invese te i noti subito parch i se tira drio coea moto msa botega de acesori. Interesante ma scomoda x a pasion de vardar e stee col canociae. I sta al scuro e al fredo par ore, spetando che co comodo se alse Marte e
Venere ma, a sodisfasion x tanta se i riese nel fratempo a scoprir na stea nova. Anca i apasionati de fotografia i deve aver na bona dose de pasiensa quando, par trovar l'inquadratura perfeta, i speta par ore. Tra e done, alcune x apasionae de far conserve e marmeate con tute e spece de fruti parfin coi stropacui (rosa canina) che par torli i te sbrega man e maneghe e, soeo dopo ore de lavoro e de pasiensa, se otien un poca de marmeata ecesionae ma che a vien costar come l'oro. Tra e pasion particoeari ghe x anca quea de un me amigo par tuto l'ano impegn nei afari ma, el d che i copa el porseo el x sacro e nol vol saver de gnente: aeora el moea l'uficio, el se mete el camisoto e el se diverte un mondo a taiar, impastar e far su coe so man, saeadi, sopresse,
museti che p tardi el magna coi amisi. Ghe x quei che ga pasion dei schei: co sti qua te pol comisiar qualsiasi discorso e te pol star sicuro che te va a finir sempre l. N'antra gran pasion nasionae x el zogo dee carte, dee machinete, del loto e de tuto queo che el bon governo mete a disposision dea dea Fortuna ma, quei che vol ciapr massa, i core el riscio de magnarse anca ch'el poco che i ga. I stakanovisti del baeo x n'antra categoria forte. Bel tempo, bruto, piova, nebia, no i se perde un sabo sera in saea da baeo. I x sempre i soiti, i sente sempre a soita musica, i baea sempre i stesi bai e i se diverte un saco. Stesso discorso par i tosi che i va in discoteca, altro che i torna casa aea matina sempre su de giri e qualche volta no i torna gnanca casa. E par finir, parch a storia sara
longa ma ghe demo un tajo, no se pol trascurar quei che x apasionai dee femene e quee che x pasionae dei omani par e pari oportunit come giusto. Ghe x un amigo de na certa et che nol se pol proprio ciamar Adone ma fin dai banchi de scoea tuta a so vita la ga dedicada co costansa, schei e tempo drio ae femene e, a sentir lu, el x ancora nel giro bon. Virt nascoste. Co a x pasion a x pasion!

copyright Venetoimage

S. Tabacon